自強號車廂伯公(客語版)
全臺唯一一座，用自強號車子改造个伯公廟，就在桃園市楊梅區富豐里个臺鐵富岡基地。富岡基地佔地當闊，有徵收民間土地，其中包括一座本來个伯公廟，就恁樣原來个伯公，無忒了自己个屋，在外流浪了好多年，當時臺鐵富岡基地興建時，。有答應在基地建造完成後，會擇一隻好日仔，將原有个伯公，請轉原來个位所起廟，但是因為講，公家个地做毋得起廟，正用報廢个臺鐵自強號車子，打造了一隻全臺唯一个「自強號車子伯公廟」，臺鐵特別將第一代電氣化自強號「英國貴婦」（EMU100型）車子拖運到富岡基地，將車子改裝為伯公廟。
民國108年(2019年)將伯公請轉安座，祈求坐車旅客，全部做得旅途平安，來訪參拜个遊客，也能夠平安順序，火車車子外觀，也有廟堂个意象彩繪，臺鐵用火車車子文創个方式，改造成伯公廟，同時將原來臺北機廠个魯班先師神像，摎新竹段供奉太上老君神像，共下供奉，一般伯公廟有个香爐、供桌、神位，自強號伯公廟也全部有，此外還多了左右兩邊个休息室，還過保有早期火車車子對坐个形式，不但保有自強號原有个風味，更加增添了客家伯公信仰特殊个風格。