生命井(客語版)
富岡在地有兩口重要个井，一隻係位在大井頭伯公廟个「龍王井」，另一隻係位在富岡火車頭左手片个生命井，又安到「捆工井」。生命井設置有撳壓式幫浦出水龍頭，旁脣頭擺係臺鐵員工宿舍，這下已經拆忒，過去宿舍所取用个生活水源就係這口井，該清甜个井水，也係搬運工人沖涼、解渴个泉源，頭擺臺鐵員工宿舍女主人煞猛種菜，用榕樹枝做菜園个圍籬，經過時代个變遷，嗄意外生到當大叢个老榕樹，可惜徙位該時無處理好勢，這下，老榕樹單淨伸三叢。
早期个富岡，係南桃園米摎貨物个集散地，擎米包个工人分人安到「捆工」，歸日汗流脈絡，沖頭那、洗面還過洗身等日常生活，全部在生命井完成，早期居民輒常摎來自湖口个一位榮民買手工包仔，又打一桶水準茶水，配等包仔大口大口入肚，可見過去生命井在富岡地區个重要性。