呂家聲洋樓(客語版)
呂家聲洋樓，在地人講「鑊嫲篤」，位在中正路12到20號，建築形式，係五開間磚造兩棧樓街屋，中央設穹窿頂，洗石仔个做工當幼路又靚，還用洗石仔仿木造收頭摎鐵鏍絲仔，係當有藝術美感个街屋建築，富岡呂屋係新屋、楊梅壢這片个大家族呂家所建，主人係呂家聲，出世在新屋，所擁有个資產有4萬銀，為一方之富，並識做楊梅區、楊梅壢區區長職務。呂屋大屋係昭和4年（1929年）所起个，前後歷時2年半，於昭和6年(1931年)完工。建設呂屋時，呂家聲堵好做楊梅壢區區長，聽講當時請，設計大溪老街，街區肚最派頭个洋樓，「建成商行」个建築師郭福設計，五開間个派頭洋樓，中間用拜占庭式圓頂摎羅馬列柱為特色，兩旁脣四間分別有三角形、圓形个山牆立面，用花草紋、勳章紋裝飾，正身立面係磚造，騎樓正面向，平直毋係拱圈。
呂家聲洋樓屬於閩洋折衷式个建築，建築特色結合歐式个風格、希臘式个山牆摎羅馬式个雙對柱，山牆項个雕刻有水果(桃仔)摎禾串，有祈求多子多孫、豐收个意思，歸間屋个精華所在係中央个間，佢頂高有特別做圓頂个小室，對中央外背棟頂還有一支插旗杆个，二樓正面做外圓凸出來，一樓柱楯還特別做雙柱楯式，下截又有加較闊个柱墩个形式，其他左右四間，全部摎屋頂做成山形女兒牆，還用卵圓形勳牌飾裝飾其間，山牆用高貴个鮑魚摎花草个石刻裝飾等。